Burun əməliyyatı ilə bağlı yaranan vacib suallar

Burun əməliyyatı, üstünlük verilən prosedurlar sırasında yer alır. Xüsusilə də gənc qızların burun əməliyyatı ilə bağlı bir çox sulları yaranır. Həmin bəzi sualları təqdim edirik:

Burun əməliyyatından sonra ağrı və ya göyərmə yaranır?

Türkiyəli həkim Seçkin Ulusoyun sözlərinə görə, burun ətrafının sümük toxumaları hərəkətli nahiyələr olmadığından bu hissədə çox ağrı yaranmır.  Ağrının yaranmaması üçün xəstələrə xüsusilə ilk iki həftə ərzində həddindən çox gülmə, sərt qidaları çeynəmə kimi üz nahiyəsini çox oynadan hərəkətlərdən uzaq durmaq tövsiyə edilir. Göyərmə isə insandan-insana dəyişir.

Burun əməliyyatı kiçik yaşlarda edilə bilərmi?

Qızlarda 16, oğlanlarda isə 17 yaş burun əməliyyatı üçün minimal hesab edilir. Daha kiçik yaşlarda isə qığırdaq əyriliyi, nəfəs almaqda çətinlik yarada biləcəyi üçün əməliyyat məcbur göstəriş hesab edilə bilər.

Burun əməliyyatından sonra burun ucunun quruluşu düşə bilər?

Normalda düşməməlidir. Əksinə olaraq daha sərt olur. Ən əsası isə burun əməliyyatı professional həkimlər tərəfindən aparıldıqdan sonra burun ucu düşmə halları ilə qarşılanmaz.

Burun tamponlarının çıxarılması, əməliyyatdan sonra çətin olur?

Həkim bu barədə də açıqlamalar edib.

“Uzun illərdir ağrı yaradan tamponlardan istifadə edilmir. Artıq slikon və ya öz-özlüyündən əriyən tamponlardan istifadə edilir”,-deyə Seçkin Ulusoy bildirib.

© Materiallardan istifadə edərkən hiperlinklə istinad olunmalıdır.
https://hekimtap.az