Uşaqlarınızın dişi çürüyərsə, ilkin yardım necə edilməlidir?

18 July 2018 8430

Göz bəbəyi kimi qoruduğunuz uşaqların hər ehtiyacını qarşılayan zaman bəzi məqamları diqqətimizdən qaçıra bilirik. Onlardan biri isə ağız və diş sağlamlığıdır. “Onsuzda yeni dişləri çıxacaq” deyə diqqət verilməyən süd dişləri uşaq sağlamlığında əsas məsələlərdən biridir.

Uşağınız bir gecə diş ağrısı ilə oyanarsa nə etməlisiniz?

Türkiyənin Acıbadem Altunizadə Xəstəxanası uşaq stomotoloqu Ceren Soytuna ailələrin diş sağlamlığı barədə diqqət edilməli olan məqamları açıqlayıb.

Həkim, diş ağrısı zamanı ilk ediləcək işin dişləri fırçalamaq olduğunu bildirib. Ağrıyan dişin olduğu hissəyə 5 dəqiqə ara ilə 5 dəq kimi xaricdən, incə bir bezə sarılmış buz tətbiq edin. Buz o hissəyə gələn damarların daralmasını təmin edərək qan axışının azalmasına səbəb olacaq. Bu sayədə iltihabın aktiv halı keçəcəkdir. Ağrı yenə keçməsə uşağın yaşına və çəkisinə uyğun miqdarda ağrıkəsici verilə bilər. Mütləq şəkildə də stomotoloqa gedilməlidir.

Bəzən düzgün qidalanmamaq, diqqət dağınıqlığından diş çürümələrinə qədər bir çox problemə qədər yol aça bilər. Uşaqları az yaşından stomotoloqa tanışlıq məqsədilə aparmaq vacibdir. Alətlərə xüsusi ad qoyularaq işi daha əyləncəli hala gətirə bilərsiniz. Uşaqlarınıza diş müalicəsini oyun kimi anlatmağa kömək edin. Əgər yenə də uşaq qorxursa, ümumi narkoz verilərək müalicə edilə bilər. Bunun sayəsində çürükləri bir seansda müalicə etmək mümkündür.