Sidik yolu infeksiyaları

26 July 2020 10628

Sidik yolu infeksiyası, sidik yollarında ortaya çıxan müxtəlif iltihabi vəziyyətlərə verilən addır. Daha çox aşağı sidik yollarında baş verir. Aşağı sidik yolu infeksiyaları adətən zərərsizdir.

Üst sidik yollarında yaranan infeksiyalar daha təhlükəlidir.

Sidik yolu iltihabları əksər zaman bakteriyaların səbəb olduğu infeksiyalardan baş verir. Bu mikroblar üstə doğru yüksələn bağırsaq mikroblarıdır.

Sidik yolu infeksiyalarının əlamətləri nədir?

Tez-tez sidiyə getmək

Tualetə gedən zaman yaranan ağrı və ya yanma

Qızdırma

Yorğunluq

Bulanıq, qırmızı rəngə çalan sidik

Pis qoxulu sidik

Qarın nahiyəsində yaranan ağrı

Qabırğaların altında yaranan ağrı

Bulantı və ya qusma

Sidik yolu infeksiyaları qadınlarda tez-tez görülən xəstəliklərin başında gəlir. Bir çox qadın sidik yolu infeksiyaları keçirə bilər.

Normalda sidik sterildir. İçində hansısa bakteriya, virus, göbələk olmur. Əksər zaman həzm sistemindəki mikroblar sidik yoluna daxil olduğunda və çoxalmağa başladığında sidik yolu infeksiyası yaranır.

Bununla yanaşı cinsi yolla yoluxan mikroblar da da sidik yolu infeksiyalarına yol aça bilər.

Qeyd edək ki, sidik yolunda yaranan infeksiyalar ilkin mərhələdə müalicə edilməzsə qalıcı zədələrə yol aça bilər.

Sidiyə gedərkən ağrı və ya yanma hissi varsa, sadəcə qısa-qısa edilirsə, qan varsa və ya sonradan ciddi qarın ağrısı əlavə edilərsə mütləq həkim müayinəsindən keçilməlidir.

Müalicəsi adətən antibiotiklərlə aparılır.

Antibiotik qəbulundan sonra iltihab bir neçə gün ərzində azalmağa başlayır.

Təkrarlayan sidik yolu infeksiyaları zamanı yüksək miqdarda antibiotik qəbul edilməlidir.

Müalicələrlə yanaşı bunlar edilməlidir:

Bol miqdarda su içilməli

Sidik saxlanılmamalı

Tualet ehtiyacından sonra təmizliyi doğru etməli

Cinsi münasibətdən sonra sidiyə gedilməli

Təmizlik zamanı sabun istifadəsindən qaçınılmalı

Pambıq geyimlərdən istifadə edilməli