Dabanda yaranan çatların səbəbləri

03 November 2018 27905

Dabanda əmələ gələn çatlar ilk növbədə pis görünüşə səbəb olur. Digər tərəfdən isə dabanlarında çatlar olan insanlar gələcəkdə bunun daha ciddi problemə yol açacağından ehtiyat edirlər.

Dabanda çatlar niyə əmələ gəlir?

Birinci səbəb göbələk, eqzema kimi dəri xəstəlikləridir;
Kifayət qədər su içməmək və ya dəri quruluğu;
Evdə havanın quru olması, yayda ayaq dərisinin tozlu yerlərlə təması;
Menopauzadan sonra estogen hormonunun azalması;
Dəmir və B viyamini əksikliyi;
Şəkər xəstəliyi;
Narahat ayaqqabıların geyinilməsi nəticəsində dərinin sürtülməsi;
Əl və ayaqlarda dərinin qalınlaşmasına səbəb olan bəzi dəri xəstəlikləri;
Ayaqların tez-tez yuyulması və yuyulduqdan sonra tam qurudulmaması;
Artıq çəki, həddindən çox idmanla bağlı dabanların təzyiq altında qalması.

Daban çatlarının müalicəsi

Daban çatlarının müalicəsində birinci mərhələdə çatların səbəb olduğu ağrılar azaldılmalıdır. Bunun üçün ayaqlar ilıq su vannasında yumşaldıqdan sonra dabanlarda yığışmış keratin təbəqəsi təmizlənməlidir. Bundan sonra yumşaldıcı kremlər vurulur və bu müddətdə dabanların təzyiq altında qalmamasına diqqət olunur. Dərin daban çatlarının göbələk və bakteriyalar kimi müxtəlif mikrobların əmələ gəlməsi üçün şərait yaratdığı unudulmamalıdır. Yara halına gəlmiş dərin çatların üzərinə axşam yatarkən antibiotik tərkibli krem vurulmalı və hava keçməyəcək formada sarğı ilə bağlanıb yatılmalıdır, bu sağalma müddətini artırır. Vəziyyət daha kəskin hal aldıqda həkimə müraciət etmək mütləqdir.