Kimlər böyrək çatışmazlığı üçün risk faktorudur?

Bəs sağlam böyrəyə sahib olmaq istəyənlər nə etməli?

Xronik böyrək xəstələrinin təxminən 40 faizini şəkər xəstələri, 30 faizini isə yüksək təzyiq xəstələri təşkil edir. Böyrək çatışmazlığı hər yaşda həm qadında, həm də kişidə yarana bilər. 40 yaşından sonra isə daha çox rastlanılır. Son zamanlar bu xəstəliyə tutulanların sayı daha çoxdur. İlkin zamanlarda diaqnoz çətin qoyulur. Böyrək çatışmazlığı xəstələrdə iştahsızlıq, bulantı, qusma, qaşıntı, halsızlıq kimi mənfi hallar yarada bilər.

Bu xəstəliklərdən əziyyət çəkənlər böyrək çatışmazlığı üçün risk faktoru hesab edilir:

 - Şəkər xəstəliyi
 - Yüksək təzyiq
 - Piylənmə
 - Genetik böyrək xəstəlikləri

Mütəmadi müayinələr xəstəliyin diaqnozu baxımından vacibdir.

Xronik böyrək xəstəliyi daha asan və ucuz qan testləri ilə aşkar edilə bilər. Bəzi müalicə vasitələri ilə qarşısını almaq mümkündür.

Sağlam böyrəyə sahib olmaq istəyənlər isə qızıl qaydalara riayət etməlidirlər:

 - İdmanla məğul olunmalı
 - Duzu azaltmalı
 - Gündə 2 litr su içməli
 - Siqaretdən imtina edilməli
 - Spirtli içkiləri tərgitməli
 - Gərəksiz yerə antibiotikdən qaçınmalı
 - Qan şəkəri yoxlanılmalı
 - Maqnezium tərkibli qidalar yeməli
 - Kələm, qırmızı bibər, sarımsaq, alma, gilas, üzüm , yumurta, balıq, zeytun yağı yemək sağlam orqan üçün vacibdir.

© Materiallardan istifadə edərkən hiperlinklə istinad olunmalıdır.