Yəqin fikir vermisiniz, xaricdən gələn həkimləri insanlarımıza necə də pafosla, möhtəşəm və bənzərsiz kimi təqdim edirlər. Müxtəlif KİV-lər bu haqda bar-bar bağırır (kobud ifadəyə görə üzr istəyirik), hansısa əcnəbi həkimin filan klinikaya gələcəyini və möcüzələr yaradacığını deyir.

Biz qətiyyən, həmin həkimlərin hamısının aşağı səviyyəli mütəxəssis olduqlarını iddia etmirik. Təcrübəli və tanınmışları da var və biz deyərdik, onların Azərbaycanda yeni nəsil həkimlərin ərsəyə gətirilməsində özünəməxsus yerləri var.

Lakin bir sıra klinikalar (etik qaydalara görə adlarını çəkmirik) xarici həkimləri az qala tibbin “tanrısı” səviyyəsinə qaldırır və bunun nəticəsində yerli həkimlərə göstərilən etimadı aşağı salırlar.

Bu klinikaların belə marketinq addımlarının məqsədi bəllidir. Bəs süni üsulla ölkəmizdəki yüzlərlə savadlı həkimi nüfuzdan salmaq və “bu həkim xaricidir” deyib, camatın cibinə girmək, onların müalicə üçün qəpik-qəpik topladıqları pullarını sovurmaq nə dərəcədə düzgündür?

SİZ DEYİN!