Karpal Tunel sindromu nədir?

26 July 2020 9596

Əl biləyinizdə şiddətli, mütəmadi yaranan ağrı hiss edirsinizsə, hissiyyat itkisi və ya uyuşma yaranırsa bu karpal tunel xəstəliyinin xəbərçisi ola bilər. Bu bilək, barmaqlarda sinirlərin sıxışması ilə özünü göstərir. Sinirlərin əzələ toxumasına, sümüklərə göstərdiyi təzyiq nəticəsində ağrı meydana gəlir.Adətən 3 barmaqda daha çox müşahidə edilir. 40 yaşdan yuxarı insanlarda daha çox görülür.

Kimlər daha çox risk altındadır?

30-60 yaş arası insanlar

Qadınlar

Kompyuterdən çox istifadə edənlər

Uzunmüddət telefonla danışanlar

Günün yarısını maşından istifadə edənlər(sürənlər)

Musiqiçilər

Dərzilər

Tennis oyunçuları və s.

Bəs hansı vəziyyətlər bu xəstəlik riskini artırır?

Hamiləlik

Revmatizm xəstəliyi

Diabet

Xroniki böyrək çatışmazlığı

İnfeksiyalar

Şişlər

Artıq çəki

Boyun yırtığı əməliyyatından sonra

Bilək burxulması problemləri

Bəs xəstəliyin əlaməti nədir?

Əlin ilk üç barmağında ağrı

Baş barmaqda uyuşma hissi

Qol hərəkət etdirildiyi zaman artan yanma, ağrı hissi

Bilək ağrıları

Əl əzələlərində ağrı

Qoldan çiyinə qədər uzanan ağrı

Bəs müalicəsi necə aparılır?

Cərrahi və dərman müalicə üsulundan istifadə edilə bilər. Bu problemdən əziyyət çəkənlərin hər birinin əməliyyat olunması vacib deyil. Bununla yanaşı altda yatan əsas xəstəliklər müalicə edilməlidir.

Həmçinin edilən bəzi fiziki hərəkətlər də xəstəlik zamanı effektli ola bilər. Bunu vəziyyətinizə, şikayətinizə uyğun həkiminiz təyin etməlidir.