Addison xəstəliyi nədir?

16 August 2020 15513

Addison xəstəliyi bütün yaş qruplarında və hər iki cinsiyyətdə müşahidə edilir və həyat üçün təhlükəli ola bilər.

Bəs Addison xəstəliyi nədir?

Adrenalin çatışmazlıq olaraq da adlanır. Vücudun müəyyən hormonları kifayət qədər istehsal olunmadığı zaman ortaya çıxan nadir bir problemdir. Addison krizinin sinonimləri kəskin böyrəküstü vəzi çatışmazlığı, hipoadrenal kriz, adrenal kriz, adrenokortikal kriz, kəskin hipokortisizm, böyrəküstü vəzin qabıq maddəsinin kəskin çatışmazlığıdır.

Addison xəstəliyi simptomları adətən bir neçə ay ərzində asta-asta inkişaf edir.

Bəs əlamətləri nədir?

Yorğunluq

Çəki itkisi

İştah azalması

Aşağı təzyiq

Ürəkgetmə

Aşağı qan şəkəri

Qarın ağrısı

Mədə bulantısı, ishal və ya qusma

Oynaq ağrıları

Əsəbilik

Depressiya

Bəzən xəstəliyin əlamətləri anidən ortaya çıxır. Aşağıdakı əlamətlərlə üzləşsəniz təcili həkimə müraciət edin:

Ciddi zəiflik

Kürəyinizin alt qismində və ya ayaqlarda ağrı

Qarın ağrısı, qusma, ishal vəs.

Addison krizinin beş forması ayırd edilir:

Mədə-bağırsaq. Ön plana kəskin dispeptik pozulmalar keçir. Qusma, ürəkbulanma, diareya, spatik abdominal ağrılar, iştahasızlıq meydana çıxır.

Psevdoperitoneal. Krizin bu forması kəskin qarınla oxşar klinikaya malikdir. Kəskin ağrılar, qarın əzələlərinin gərginliyi ilə xarakterizə olunur.

Miokardial. Aparıcı simptomlar ürək və damar funksiyalarının pozulması ilə əlaqəlidir. Qan dövranı çatışmazlığı dəri və selikli qişaların sianotikliyi, hipotoniya, nəbzin zəifləməsi ilə təzahür edir.

Meninqoensefalitik. Ocaqlı və hallüsinator-sayıqlama simptomatikası, qıcolmalar, huşun alaqaranlıqlaşması, deliriya inkişaf edir.

Respirator. Tənəffüs çatışmazlığı ilə təzahür edir. Təngnəfəslik, ümumi zəiflik, başgicəllənmə yaranır.

Bir sıra laborator testlərlə bu xəstəliyin diaqnozu dəqiqləşdirilir və həkim tərəfindən lazımi müalicələrə başlanılır.