Yuxusuzluq və infarkt arasında əlaqə aşkar olunub

Çinli klinisistlər belə bir nəticəyə gəliblər - yuxuya getmə ilə problemi olan insanlar, həmçinin, yuxusuzluqdan əziyyət çəkənlər həyat üçün təhlükəli olan ürək tutmalarına daha çox meyillidirlər. O da müəyyən olunub ki, bu cür əlaqə qadınlarda ozünü bir neçə dəfə daha qabarıq biruzə verir.

Lazım olan göstəriciləri əldə etmək üçün alimlər 15 tədqiqat aparıblar. Burada 160 mindən artıq könüllü iştirak edib.   

Klinisistlər yuxusuzluq simptomatikası və ürək-damar xəstəlikləri səbəbindən baş verən ölüm hallarının sayı arasında əlaqəni öyrəniblər.

Tədqiqatçılar müəyyən ediblər ki, yuxusuzluqdan əziyyət çəkən insanlar müxtəlif ürək-damar patologiyaları ilə 11% çox üzləşirlər. O da məlum olub ki, yuxudan sonra özlərini tam dincəlmiş hiss etməyənlər infarkt hallarına təxminən 18% çox məruz qalırlar.

Çin Tibb Universitetinin elmi işçiləri əldə olunan məlumatlardan belə qənaətə gəliblər ki, yuxu ilə hər hansı problemi olan şəxlərin infarkt olmaq ehtimalı 27% çoxdur. Bu, onunla izah olunur ki, yuxusuzluq problemi damar tonusu göstəricilərinin yüksəlməsinə təsir edir və mübadilə proseslərini dəyişir ki, bu da ürək-damar problemlərinə gətirib çıxarır.

Ekspertlər, həmçinin, hesab edirlər ki, bu, zərif cinsin nümayəndələri üçün daha səciyyəvidir. Buna səbəb qadınların yuxusuzluğa genetik səviyyədə kişilərdən daha çox meyilli olmasıdır ki, bu da hormonların təsiri fonunda baş verir. Məhz ona görə də qadınlar ürək-damar xəstəliklərinə bir neçə dəfə çox meyillidirlər.

Klinisistlər hesab edirlər ki, bu açılış infarkt və digər ürək xəstəliklərinin tam olmasa da, əhəmiyyətli dərəcədə qarşısını almağa kömək edəcək.

© Materiallardan istifadə edərkən hiperlinklə istinad olunmalıdır.