105 il yaşayan yaponiyalı Doktor Şiqeaki Hinoharanın uzunömürlülüklə bağlı tövsiyələri

Bu yaponiyalı həkim 105 yaşına qədər yaşayıb. Onun uzunömürlülüklə bağlı tövsiyəsi belədir.

Yaponiyalı həkim, ömrünün yüzilliyini yaxşı yaşayan doktor Şiqeaki Hinohara, uzunömürlü olmağınız üçün sizə bəzi tövsiyələr verir.

Dr. Şiqeaki Hinohara, Yaponiya təbabətinin banilərindən olmuş və  Yaponiyanı uzunömürlülükdə dünya liderinə çevirmişdi. Əksər vaxtlarda təbliğ etdiyini öz üzərində də tətbiq edirdi.

St Luke Beynəlxalq Universitetinin həkimi, əməkdar sədr və St Luke Beynəlxalq Xəstəxanasının fəxri prezidenti, Yaponiya Times qəzetinin jurnalisti Cudit Kavaquçi ilə müsahibəsində uzun, sağlam bir həyat yaşamaq üçün bir neçə əsas qaydaları tövsiyə etmişdir.  Bu tövsiyələr: Təqaüdə çıxma. Əgər mütləqdirsə, o zaman  65 yaşından bir müddət sonra çıxın.

O, öz müsahibəsində, bildirmişdir ki, əvvəllər Yaponiyada orta ömür həddi 68 yaş olduğu zaman, pensiya yaşı 65 yaş idi. İndi insanlar daha uzunömürlüdürlər – 2015 ci ilin məlumatlarına əsasən, Yaponiyada orta yaş həddi təxminən 84 olmuşdur – deməli, buna uyğun olaraq, pensiya yaşı da daha gec yaşlara müəyyən edilməlidir.

18 iyulda Tokiyada vəfat etməmişdən bir neçə aya qədər, o, xəstələri müalicə edərək, gündə 18 saata qədər işləyirdi. Hətta kitabçasında 5 il sonrakı müddətə təyin edilmiş görüş vaxtları var idi. O, vəfat edəndə onun 105 yaşı var idi.

Hinoharanı özünə müəllim bilən, Kavaquçinin BBC – yə verdiyi müsahibədə, “O həyatın tövhə və qatqıdan ibarət olduğuna inanırdı və hamıya kömək etmək istəyi ilə yaşayırdı, hər səhər tezdən oyanıb başqalarına yaxşılıqlar etmək istəyirdi. Ona güc verən və onu yaşadan məhz bu idi.”

"Kavaquçinin sözlərinə görə, “O, bugünün, sabahın, və növbəti 5 ilin hədəfləri ilə yaşayırdı.”

Hinoharanın sağlam həyat tərzi haqqında verdiyi digər tövsiyələr:

Düzgün qidalanma və ya daha çox yatmaq barəsində daha az narahat olun və əylənin. “Biz hamımız uşaq yaşlarında, əyləndiyimiz zaman, yemək yeməyi və yatmağı necə unutduğumuzu yaxşı xatırlayırıq. İnanıram ki, eyni yanaşmanı böyüklər də qoruyub saxlaya bələr. Əsas odur ki, orqanizmimizi yemək saatları və yatmaq vaxtı kimi qaydalarla yormayaq.”

Əgər çox yaşamaq istəyirsənsə, artıq çəkin olmamalıdır. “ Səhər yeməyinə mən qəhvə, bir stəkan süd və portağal şirəsinin içinə bir xörək qaşığı zeytun qatıb içirəm. Zeytun yağı damarlar üçün çox yaxşıdır və dəriyə yaxşı təsiri var.  Nahar yeməyində ya südlə peçenye və ya işim çox olduqda heçnə yemirəm. Mən, heç vaxt acmıram çünki, bütün fikrim işimə yönəlir. Axşam yeməyim isə tərəvəzlərdən, bir az balıq və düyü və həftədə 2 dəfə 100 qram yağsız ətdən ibarətdir.”

Həkiminizin dediyinə kor-koranə əməl etməyin. “Həkiminiz sizə hər hansı bir müayinə və ya əməliyyat olmağınızı söyləsə, soruşun əgər həkiminiz öz övladlarına və ya yaxınlarına eynisini tövsiyə edərdimi. Ümumi inanclara baxmayaraq, həkimlər hər kəsi müalicə edə bilməzlər. O zaman niyə əməliyyat etdirib lazımsız ağrılar yaşayaq? Düşünürəm ki, musiqi və heyvanlarla terapiya bir çox həkimin təsəvvür etməyəcəyi qədər kömək edə bilər.”

Ağrını dəf etmək üçün, əylən. “Ağrı müəmmalıdır və onu unudmaq üçün, əylənmək ən yaxşı üsuldur. Əgər, uşağın diş ağrısı varsa, onunla oynamağa başladıqda, ağrı onun yadından çıxır. Xəstəxanalar xəstələrin bütün ehtiyaclarına cavab verməlidirlər. Biz hamımız əylənmək istəyirik. St. Luke xəstəxanasında, musiqi və heyvan terapiyası ilə yanaşı, incəsənət dərsləri də varımızdır.”

Hər zaman pilləkanlardan istifadə edin və şəxsi əşyalarızı özünüz daşıyın. “Mən əzələlərimi hərəkət etdirmək üçün, pilləkanları iki-iki qalxıram”.

 

© Materiallardan istifadə edərkən hiperlinklə istinad olunmalıdır.