Spirtli içkilərə yox deməyin vaxtıdır!

Əks halda, xərçəng riskinə məruz qalacaqsınız

Alkohol istifadəsi bir neçə cür xərçəng xəstəliyi üçün risk faktorudur və fərqi yoxdur siz “möhkəm” içənsiz, yoxsa necə deyərlər, bayramdan-bayrama içirsiniz.

Ekspertlərin iddiasına görə, əldə olunmuş tibbi araşdırmalar onu göstərir ki, bütün dünyada onkoloji xəstəliklərin yaranması və xərçəngdən ölüm hallarının 5-6%-nə səbəb alkoholdan istifadədir. Xərçəng xəstəliyinə dair sorğular onu göstərib ki, böyükyaşlı əhalinin 70%-i alkohol qəbulunu xərçəng xəstəliyi ilə ümumiyyətlə, əlaqələndirmirlər və bu, təşviş doğuran bir haldır.                 

Aparılan daha bir sorğuda 18 yaşdan yuxarı 4016 kişi və qadın iştirak edib. Respondentlərin çoxusu haqlı olaraq siqaret çəkməyi və günəşin təsir faktorunu xərçəngə səbəb kimi (78% və 66%) göstəriblər. Lakin təəssüf ki, onlar arasında yalnız təxminən 30%-i risk faktoru kimi alkohol qəbulunu qeyd edib.

Çox təəssüf ki, bəzən insanlar pivə, şərab və ya daha tünd içkilərin qəbulunu onkoloji xəstəliklərin inkişaf riski kimi qəbul etmirlər. Baxmayaq ki, alkoholun miqdarı ilə xərçən arasındakı əlaqə dəqiq məlumdur və o da bəllidir ki, insan nə qədər çox spirtli içki içərsə, xərçəng riski bir o qədər yüksək olar.  

Spirtli içkilər bir neçə növ xərçəng xəstəliyinin yaranma riski doğurur. Alkohol ilk növbədə bilavasitə təmasda olduğu orqan və toxumalarda – ağız boşluğu, boğaz, qida borusu, mədə və bağırsaqlarda xərçəng riski yaradır. Bununla yanaşı, beyin xərçəngi və süd vəzi xərçənginin də spirtli içkilərin qəbulu ilə bilavasitə əlaqəsi var. Spirtli içkilərin qəbulu, həmçinin, xərçəng müalicəsini tormozlaya və ya ona neqativ təsir göstərə bilər.

© Materiallardan istifadə edərkən hiperlinklə istinad olunmalıdır.