Onurğa xəstəliyi olan skolioz, bel və sinədə görülür, onurğanın əyilməsi nəticəsində meydana gəlir. Travmatoloq-ortoped Uzman Dr. Yunus Atıcı bildirib ki, bu xəstəlik özünü kiçik yaşlarda daha çox biruzə verdiyi üçün erkən diaqnoz qoyulması çox vacibdir. Burda əsəs məsuliyyət valideynlərin üzərinə düşür. Valideynlər müəyyən aralıqlarla uşaqları evdə özləri müayinə etməlidirlər. Erkən diaqnoz problemin vaxtında aradan qaldırılmasında böyük əhəmiyyət daşıyır.

Skoliozu necə müəyyənləşdirmək olar?

Sol çiyin sağ çiyinə görə aşağı və ya yuxarıdırmı;
Çanaq sümüyü biri-birindən aşağı və ya yuxarıdırmı;
Sinə uclarının bərabər düz xətt üzrədirmi;
Qabırqalar sağ və ya sola meyillidirmi və s.

Yuxarıda sadalanan əlamətlərdən hər hansı birini aşkarlasanız mütləq həkimə müraciət edin.Vaxtında aşkarlandıqda skoliozun korset və müalicələrin köməyi ilə qarşısı alına bilər. Xəstəliyin müalicəsi gecikdirildikdə isə əməliyyat qaçınılmaz olur.