Özünüzü və ətrafınızdakıları qoruyun!

26 November 2018 20000

Aramızda elə tip insanlar var ki, onların pis niyyətin bilmək olmur, ona görə ki, onlar bunu xoşniyyət və şəfqət maskası altında gizlədə bilirlər. Siz onlara inana və hətta dost ola bilərsiniz. Amma əvvəl axır bu tip insanların əsl üzü ortaya çıxır.

Bu insanlardan uzaq durun!

Özlərinin reallıqları var. Onlar obyektiv faktları inkar edir, ətrafındakıların fikirləri ilə razılaşmırlar.
Faktlar axtarırlar. Doğruları öz kriteriyalarına görə qiymətləndirir və ustalıqla hər şeyi öz lehinə çevirib insanları rahatlıqla inandıra bilirlər.
Mənfəətləri üçün doğruları gizlədirlər.
Tez-tez yalan danışırlar. Onlar istədiklərini əldə etmək üçün və ya özlərini rahat hiss etmək üçün yalanlara üstünlük verirlər.
Amansızdırlar. Onlar vicdan və dürüstlükdən uzaqdırlar. Başqalarının duyğuları, həyatı o insanları maraqlandırmır. Şəxsi istək, arzu və hədəfləri daha vacibdir.
Etdikləri hərəkətlərə görə cavabdehlik daşımaqdan imtina edirlər.
Manipulyasiya ustadlarıdır. İnsanları rahatlıqla idarə edə bilirlər.
Pis vaxtınızda kömək etməyəcəklər. Onları ancaq xoş gününüzdə yanınızda görəcəksiniz. Hər hansı bir bədbəxtlik baş verdikdə isə heç vaxt yanınızda olmayacaqlar.
Hər şeyi nəzarətdə saxlamağa çalışırlar. İnsanların zəif nöqtələrini tez tapır və onlar vasitəsi ilə idarə edirlər.