Uşaqlarda istivurma hallarına diqqət edin

İsti günlərdə ən çox baş verən hadisələrdən biri  günvurmadır. Həmçinin isti ortamlarda qalmaq istivurma hadisələrinin riskini də artırır. Belə havalarda xüsusilə də uşaqları qorumaq lazımdır.

Bəs isti günlərdə nə etmək lazımdır?

Günorta saatlarında uşaqları çox oyun oynamağa icazə verməyin.

Gəzintilər üçün axşam saatlarını seçin.

Uşaqların susamasını gözləməyin. Vücudu susuz qoymayın. Bunun nəticəsində istivurmadan  müəyyən qədər qoruya bilərsiniz.  1-3 yaşlı uşaqlar susuz qaldığını anlamaya bilər. Bu səbəbdən siz ona daha çox su verin. İlk 6 ay ərzində isə körpələrə ana südü verin. Əlavə hazır yemək yeyən körpələrə isə 2-3 çay qaşığı qədər su verillə bilər.

Günəşə çıxmazdan 30 dəqiqə öncə günəş şüalarından qoruyan kremlər çəkin.

Uşaqlarınızı çölə çıxaran zaman şapkalardan və eynəklərdən istifadə edin.

Tez-tez duş qəbul etdirin. Gündəlik duş qəbulu bədənin daha sərin qalmasına kömək edir.

Qeyd edək ki, əgər baş gicəllənməsi, qızdırma, qusma halı müşayiət edilirsə təcili həkimə müraciət edin. Günvurma ölümlə belə nəticələnə biləcək qədər təhlükləli ola bilər.

© Materiallardan istifadə edərkən hiperlinklə istinad olunmalıdır.
https://hekimtap.az