Hər bahalı eynək keyfiyyətli deyil

15 May 2018 7315

Doğru eynək seçimi necə olmalıdır?

Havalar istiləşdikcə gün eynəklərindən istifadəçilərin sayı artıb.

Əksər insan günəş eynəklərindən daha çox görünüş üçün istifadə etdiklərindən gözlərə zərərli olub-olmadığına diqqət yetirmirlər. Ancaq eynəklər sadəcə günəşli havalarda deyil, buludlu havalarda da istifadə etmək gözlər üçün əhəmiyyət kəsb edir.

Günəş şüalarında insan gözləri üçün zərərli olan ultrabənövşəyi radiasiya mövcuddur. Həmçinin bu radiasiyada kiçik miqdarda D vitaminini yaradan xüsusiyyət də var. Ancaq belə şüalar dəridə yanıq izləri, qızarıqlıqlar buraxa bilər. Bu səbəbdən doğru eynəklərin seçimi çox mühümdür. Şüaları özündə saxlayıb gözə ötürməyən eynəklərdən uzaqlaşmalısınız. Əks halda günəş şüaları daha tez qocalmağınıza, dəridə səpkilərin də yaranmasına yol aça bilər. Eynəkləri optikadan almağa üstünlük verin.

Uşaqların eynəkdən istifadə etməsinə isə xüsusi diqqət yetirin. Çünki onlarda erkən yaşda allergiya meydana çıxa bilər. Bu səbəbdən eynəkdən istifadə uşaqlar üçün böyük əhəmiyyət kəsb edir. Əgər günəşı qarşı uşaqlarda allergiya varsa bu zaman eynəklə yanaşı papaqlardan da istifadə edin.

Eynəyin ultrabənövşəyi şüalardan qoruma dərəcəsi, şüşəsinin tündlüyü, hazırlandığı ölkə qiyməti ilə aşkar edilə bilməz. Düzdür, ucuz eynəklərin əksəriyyətinin şüşəsi triasetat adlı maddədən hazırlanır ki, bu da günəş şüalarından 40 faizlik qoruyur. Ancaq eynə də bahalı çox keyfiyyətlidir mənasını daşımır. Adətən markanın özünün satdığı məkanlara üz tutmağınız tövsiyə edilir. Çünki adi mağazalar baha qiymətinə keyfiyyətsiz eynəklər sata bilərlər.