Faringit nədir?

Faringit udlağın kəskin iltihabı hesab edilir. Kəskin faringit əsasən üst tənəffüs yolu infeksiyasından sonra müşahidə olunur və səbəbi daha çox viruslar olur. Xroniki faringitin yaranmasında qıcıqlandırıcı bəzi faktorlar rol oynayır. Onları təqdim edirik:

Siqaret

Spirtli içkilər

Allergiya

Reflüks

İsti və ya soyuq qidalar

Diş iltihabı və s.

Bəs mövcud xəstəliyin əlamətləri nədir?

Qaşınma

Öskürək

Boğaz ağrısı

Udqunmada çətinlik

Yad cismin qalma hissi

Quruluq

Faringitin növləri mövcuddur. Müalicəsi isə buna səbəb olan nüansları aradan qaldıraraq aparılır.

Kəskin faringitin virus mənşəli olduğu təsdiq edilərsə antibiotik adətən təyin edilmir, ancaq prosesə bakteriyaların da qoşulduğu müəyyən edilərsə antibiotiklərdən istifadə olunur. Əlavə olaraq ağrıkəsicilər, allergiyası olan xəstələrdə antihistaminlər, spreylər, öskürək əleyhinə preparatlar və boğaz üçün qarqaralar istifadə oluna bilər.

Xroniki faringitin müalicəsi daha mürəkkəbdir. Müalicə ilə yanaşı, xəstənin müəyyən pəhrizə də diqqət edilməlidir. Bunu isə həkim müəyyən edəcək.

  © Materiallardan istifadə edərkən hiperlinklə istinad olunmalıdır.   
https://hekimtap.az