40 yaş – ana olmaq üçün məhdudiyyət deyil!

Çoxunuz alimlərin belə nəticəyə gəldiklərini biləndə təəccüblənəcəksiniz – sən demə, uşaq dünyaya gətirmək üşün ən optimal yaş – 30-34- dür. Sən demə, bu yaş dövründə sosial status və sağlamlıq ideal tarazlıqda olur. Lakin çoxları bu məhdudiyyətlər aşıb və 35 yaşından sonra belə ana olurbar.

Hekim Tap olaraq hansı məşhur qadınların 40 yaşından sonra ana olduqlarını araşdırdıq.

Süzan Sarandonun üç övladı var və onlar anaları 39, 42 və 45 yaşı olanda dünyaya gəliblər.

Gənclik illərində həkimlər ona sonsuzluq diaqnozu qoymuşdular, ona görə də Süzan uzun illər hamiləlik  əleyhinə həblərdən istifadə etməyib. Sonra aktrisa gözlənilmədən hamiləlik müşahidə edib və sonra bu, iki dəfə təkrarlanıb. Süzan deyib ki, bu diaqnozdan güclü olmağı onu xoşbəxt edib.   

Bir baxın, 71 yaşı olmasına baxmayaraq, Süzan necə də gözəldir!

 

Cenefer Lopezdə vəziyyət bir qədər çətin olub. O, uzun illər ana olmağı arzulasa da, təbiət bunun əksinə gedib. Sonda aktrisa ekstrakorporal mayalanmaya (EKO) müraciət etməli olub. Bu metodun köməkliyi ilə yumurtacıq orqanizmdən çıxarılır və laboratoriyada mayalandırılır. Embrionun düzgün inkişafı müşahidə olunarsa, onu yenidən ana bətninə yerləşdirirlər.  

Ceniferin ilk cəhdi uğursuz alınsa da, hazırda onun  əkiz övladı var. Onlar aktrisanın 38 yaşı olanda dünyaya göz açıblar.  

 

Kelli Preston Con Travoltanın arvadıdır. Preston 47 yaşında ikən hamilə olub. Bundan bir il əvvəl Travolta ailəsi böyük faciə yaşayıb – onların yeganə oğlu Cett vəfat edib. Kelli yenidən ana olmasını belə şərh edib: “Bencamin bizim ailəyə ikinci nəfəs verdi”.

 

Müğənni Rene-Çarlz ilk oğlunu 33 yaşında dünyaya gətirib, Eddi və Nilson adlı əkizlər isə 42 yaşında doğulub.

Rene-Çarlz 6 dəfə ekstrakorporal mayalanmadan keçib, məhz bundan sonra dünyaya sağlam əkizlər gətirib. O, bunları etiraf edib: “Ekstrakorporal mayalanma emosional baxımdan çətin bir prosesdir və siz unutmamalısınız ki, ana olmaqda bəxtiniz necə gətirib”.

 

Helli Berri, deyəsən, heç yaşlanmır və bu, özünü təkcə zahiri görkəmində biruzə vermir. Helli Berri ilk dəfə 41, növbəti dəfə isə 47 yaşnda ana olub. İkinci analığı onun üçün böyük sürpriz olub.

Helli hamiləliyi haqda bunları deyib: “Elə bilirdim ki, bütün bunlar keçmişdə qalıb və mən menopauza ərəfəsində idim, odur ki, bu, mənim üçün gözlənilməz oldu.”

 

Kim Beysingerin yalnız bir övladı var – Ayrlend adlı qızı. Bu gözəl qadınlara baxanda onlar arasında 41 yaş fərq olduğuna inanmaq çox çətindir.  

Ayrlend Bolduin modeldir, bəzən filmlərə də çəkilir. Zahirən anasına çox oxşadığından “”Son revanş” filmində anası Kimin obrazını yaradıb.

 

Qalmaqallı Qven Stefani oğlanları Kinqston və Zumanı 40 yaşı olanda dünyaya gətirib, növbəti dəfə isə 44 yaşında ana olub - Apollon adlı daha bir oğlu dünyaya göz açıb. O, oğlanlarının yanında elə şux görünür ki, heç deməzsən onların anasıdır.

 

Salma Hayekin sözlərinə görə o, ana olmağı həmişə arzulayıb, lakin bəzi tibbi səbəblərdən bu, mümkün olmayıb. O, arzusuna nəhayət ki, 41yaşında çatıb. Hamiləliyi ağır keçib, 50 funt çəki yığsa da, sonradan formaya düşüb. Salma bu yaşda analığı haqda deyib: “10 il əvvəl qızıma indi verəcəklərimi verə bilməyəcəkdim. O, 40 yaşım olanda dünyaya gəldiyinə çox xoşbəxdir”.  

 

Pop şahzadəsinin Lurdes adlı ilk övladı dünyaya gəldikdə 36 yaşı var idi. 41 yaşında isə oğlu Rokko anadan olub. Bundan başqa, Madonna Afrikalı 4 uşağı da himayəsinə götürüb.

“Uşaqlar dünyaya göz açmazdan əvvəl çox eqoist idim. Lakin analıq hissi bütün düşüncələrimi dəyişdi”, - deyə Madonna bildirib.  

 

Meraya Kerri 41 yaşında ana olub və bu, ona heç də asan başa gəlməyib - hamiləlik çox yüksək təzyiq və hestasion diabet yaradıb. Meraya analığa layiq sənətçi olsa da, təəssüf ki, övladlarının atası Nik Kennonla ayrılıb.  

 

Monika Beluççiyə sonsuzluq diaqnozu qoyulsa da, o, 39 yaşında gözlənilmədən hamiləlik müşahidə edib. Aktrisa deyib: “Qızım  həyatımın ən gözəl məqamında dünyaya gəldi. Mən çox sayda rollar oynamışam, çox yerlərdə olmuşam və indi ona lazım olan hər şey verməyə hazıram”. İndi Monikanın qızı Devanın 13 yaşı var və artıq anasından daha hündürdü.   

Aktrisa ikinci qızını 45 yaşında dünyaya gətirib. Hamilə olduğunu biləndə çox qorxubmuş ki, bu yaşda ana olmaq təhlükə yarada bilər. Xoşbəxtlikdən Leoni dünyaya sağlam gəlib. Beluççi deyib: “Doqquz ay müddətində bir dəfə də olsun həkimlərə müraciət etməmişəm. Düzdür, 45 yaşında ana olmaq təhlükəlidir və mən bunu qadınlara qətiyyən təbliğ etmirəm, bircə onu deyə bilərəm ki,  həyatımın baş rolu - analıqdır. Əgər təbii yolla hamilə qalmasaydım, yəqin ki, ekstrakorporal mayalanma metoduna müraciət edərdim”.

Biz də Monika ilə razıyıq: 35 yaşında dünyaya uşaq gətirmək daha asandır, lakin heç kim sürprizlərdən sığortalı deyil. Əlbəttə, ulduzlar üçün bu sürprizləri dəf etmək daha asandır, belə ki, onların maddi problemləri yoxdur. Lakin bəzən adi qadınlar uşağı, onu heç kim gözləmədiyi vaxtda dünyaya gətirirlər, elə deyilmi?

 

© Materiallardan istifadə edərkən hiperlinklə istinad olunmalıdır.