Original sirkələri necə hazırlamalı?

Üzüm sirkəsi, tərkibində mövcud olan antioksidant sayəsində insan orqanizmi üçün faydalıdır. Qidalarda istifadə edilən üzüm sirkəsi, gözəllik üçün də istifadə edilir.

Bəs üzüm sirkəsi necə hazırlanır?

Əslində hazırlanış qaydası çox asandır.

Üzüm sirkəsinin hazırlanması reseptini təqdim edirik:

• 1,5 kq üzüm
• 2,5 litr su
• ½ stəkan noxud
• 2 xörək qaşığı əsl bal
• 1 xörək qaşığı duz

Hazırlanması:

Üzümləri saplarından ayırın və şüşə bankaya tökün. Üzərinə su əlavə edin və 20 gün ərzində ağzı qapalı şəkildə gözlədin.

20 gün sonra duz, bal, noxud əlavə edərək 30 gün qədər gözlədin. Daha sonra isə süzüb istifadə edə bilərsiniz.

Bəs əsas məqamları nədir?

Sirkə hazırlanması zamanı 20 gündən sonra bankada yaranan  jele təbəqəsi əsasdır. Sirkəni hansı meyvədən hazırlayacaqsınızsa onun təbii olmasına diqqət edin.

Meyvələrin ən şirin olanını seçin. Çürük qismlərini əlavə etməyin. Çürük sirkənin yaranmasını məhv edər.

Meyvələrin qabıqlarını əsla soymayın.

Meyvələri xırda doğramaq sürətli nəticə əldə etməyinizə kömək edər. Sirkə üçün içdiyiniz sudan istifadə edin. Bankaların ağzını streclə bağlayın. 2 gündən bir qapağını açıb qarışdırın.

© Materiallardan istifadə edərkən hiperlinklə istinad olunmalıdır.
https://hekimtap.az