Qışda kəpək problemi artır

17 October 2018 7821

Uzman dermatoloq Ata Nejat Ertek: "Havaların soyuması ilə əlaqədar qış aylarında dəri quruyur. Dərinin quruması isə saç dərisində kəpəklənmə və qaşınmanın ən böyük səbəbidir. Ən çox görülən saç problemləri saç tökülməsi, saçqıran xəstəliyi və kəpəkdir." - deyə həkim bildirib.

Kəpəyin ölü hüceyrələrin tökülməsi olduğunu deyən həkim Ertek, dünya əhalisinin 40%-in ömürlərinin hər hansı bir dövründə kəpək problemi ilə qarşılaşdığını qeyd edib. Əksər insanlar kəpəyin saçları tez-tez və ya gec yumaqdan irəli gəldiyini düşünür. Saçlar mütəmadi olaraq şampun ilə yuyulmazsa, yağ hüceyrələri kəpək əmələ gəlməsinə səbəb ola bilər. Ancaq, saçların tez-tez şampun ilə yuyulması da kəpək əmələ gəlməsinə səbəb olur.

Kəpəyin yaranma səbəbləri

Az su içmək - Əgər kifayət qədər su içmirsinizsə, kəpək problemi ilə qarşılaşacaqsınız.
Stres - Stres də dəri problemlərini dərinləşdirən faktorlardandır.
Dəri xəstəlikləri - Eqzema, göbələk və sair kimi dəri xəstəlikləri kəpək əmələ gətirə bilir.
Saçların boyanması - Saç rənginin tez-tez istifadəsi və ya saç rəngində kəskin dəyişiklik də kəpəyin yaranmasına təkan verə bilər.

Kəpəkdən qurtulmaq istəyirsinizsə...

Saçlarınızı əgər həmişə yığırsınızsa, bəzən onları açıb sərbəst buraxın. Saçların daima yığılmış vəziyyətdə olması, saç tökülməsi və kəpək əmələ gəlməsinə səbəb ola bilər
Kəpəkdən qurtulmaq üçün əvvəlcə qidalanmağınıza diqqət etməlisiniz. Əgər qidalanmağınızda probleminiz varsa, bundan ən tez təsirlənəcək orqan saçlarınızdır. Kimyəvi tərkibli şampunlardan istifadə etməyin.
Saçlarınızı yuduqda saç dərinizi dırnaqlarınız vasitəsilə qaşıya-qaşıya yusanız, dərinizi zədələyə və kəpək probleminin yaranmasına səbəb ola bilərsiniz.