Dənizdə, hovuzda üzərkən gözləri açmaq olarmı?

Duzlu su dəri üçün faydalıdır, bəs gözlər üçün necə?

Üzmək sağlamlıq üçün faydalı olduğunu bir çoxları bilir. Ancaq üzərkən belə bəzi məqamlara diqqət göstərmək lazımdır.

Türkiyəli mütəxəssis bu barədə mühüm məqamları qeyd edib.

Həmin vacib nüansları diqqətinizə çatdırırıq:

Makiyajlı şəkildə üzməyin. Günəşdən gələn ultrabənövşəyi şüalar dərinizə olduğu kimi gözlərinizə də zərərli ola bilər. Bu vəziyyət sarı nöqtə xəstəliyi kimi bir sıra problemlərə səbəb ola bilər. Bu səbəbdən hovuz və dəniz kənarında mütləq şəkildə100 faizlik şüalardan qorunmaq üçün eynək və şlyapalardan istifadə edin.

Mütəxəssislərin sözlərinə görə, sudan şüaların gözə təsiri daha çoxdur. Saat 10:00-16:00-dək günəş şüalarından daha çox qaçınmalısınız. Üzməzdən öncə makiyajı silməyiniz faydalıdır. Bu allergiyaya məruz qalmaqdan da sizi xilas edəcək.

Dənizdə duzlu suda gözləri açmaq allergik reaksiyalara səbəb ola bilər. Bu həmçinin hovuzda da mümkündür. Bunu yaradan amil isə suyun  xlorlu olmasıdır.

Suda üzən zaman linzalardan da istifadə etmək mümkündür. Amma həkimlər daha çox eynək taxmağın tərəfdarıdırlar. Suyun içində gözləri eynək olmadan açmaq həm lensin düşməsinə həm də ağır infeksiyalara yol aça bilər.

© Materiallardan istifadə edərkən hiperlinklə istinad olunmalıdır.