Elmi-praktik seminar keçirilib

Həkim Tap-ın təşkilatçılığı ilə “Chirag Plaza”da  "Oftalmologiyada müasir yanaşma” mövzusunda elmi-praktik seminar keçirilib.Seminarı Türkiyənin tanınmış oftalmoloqu, Hacettepe Univeristetinin məzunu, Amerikanın tanınmış Harward və Tufts Universitetlərində çalışmış, 31 illik beynəlxalq təcrübəli həkim, tibb üzrə fəlsəfə doktoru, uzman, Dr. Hilmi Çuhadaroğlu aparıb.

İştirakçıları salamlayan Çuhadaroğlu daha sonra oftalmologiyada müasir problemlərdən, onların həlli yollarından, həmçinin, katarakta və onun qalıcı multifokal linzalarla müalicəsindən, göz təzyiqi müalicəsindən və bir çox başqa maraqlı mövzularda danışıb.

Ardınca həkim seminar iştirakçılarını maraqlandıran sualları cavablandırıb.

Tədbirdən sonra H. Çuhadaroğlu təəssüratlarını HekimTap-ın müxbirilə bölüşüb:

“Əvvəla, belə gözəl tədbirin təşkilatçılığında əməyi keçən hər kəsə dərin təşəkkürümü bildirmək istəyirəm. Seminar gözlədiyimdən də maraqlı keçdi. Sevinirəm ki, mühazirəm iştirakçıların marağına səbəb oldu. Gələcəkdə analoji seminarlara dəvət alsam, məmnuniyyətlə gəlib bilik və təcrübəmi bölüşərəm”.

Seminardan sonra iştirakçılara sertifikatlar təqdim olunub, xatirə şəkilləri çəkdirilib.   

Mövzu ilə bağlı video:

Tədbirlə bağlı şəkillər: